Tekuvakasha Eswatini
Luhlangotsi lwekuvasha Eswatini ibhizinisi lephumelelako. Tivakashi letinyenti letivakasha Eswatini tichamuka eNingizimu Afrika tihamba ngemgwaco. Luhlangotsi lwekuvasha Eswatini lwacala kundlondlobala ngesikhatsi selubandlululo eNingizimu Afrika futsi loku ngiko lokufake sandla ekundlondlobaleni kwalo. Eswatini emasiko atsatfwa njengendlela lehamba embili yekukhanga tivakashi.
Sikhatsi selubandlululo
[hlela | edit source]Kusebentisa indlela yekubusa lebitwa ngekutsi yi-arpatheid eNingizimu Afrika kanye nemphi yembango yaseMozambique ngiko lokwenta kutsi live laseSwatini libe yindzawo yetivakashi esifundzeni sase Africa lesentasi. Loku kwenta kutsi tekuvasha tindlondlobale Eswatini kusukela ngemnyaka wanga-1960 kuya ku-1990. Ngesikhatsi selubandlululo eNingizimu Afrika, i-Eswatini yakhanga tivakashi letinyenti ngekusebentisa imigomo leyehlukile kuneNingizimu Afrika. Tivakashi letinyenti betivakashela live laseSwatini ngaleso sikhatsi kute tibuke tinhlelo tamabonakudze nobe temidlalo lebetingakhoni kutibukela eNingizimu Afrika. Ngesikhatsi selubandlululo eNingizimu Afrika, i-Eswatini yaphindze yavumela kugembula ngalokusemtsetfweni kute idvonse tivakashi lokwaletsa kuchuma kwemnotfo.
Inombolo yetivakashi letivakashela e-Eswatini yakhula isuka ku-89,015 nga-1972 yaya ku-257,997 nga-1989. Ngemnyaka wa-1988 tekuvakasha betakha 3% we-GDP yase-Eswatini lobekwenta kutsi tendlule tintfo letitsengiselwe kulamanye emave nga 4%. Nanobe bukhosi base-Eswatini buvame kukhulunywa ngabo njengentfo ledvonsa tivakashi, tekuvakasha tiphindze tanconywa ngekutsi ngito letibangele kutsi i-Eswatini iphucuke. Nanobe kundlondlobala kweluhlangotsi lwetekuvakasha Eswatini kusolwe ngekutsi kubangele kwandza kwekutsengisa ngemtimba, abukho bufakazi bekutsi kutsengisa ngemtimba kubangelwe kundlondlobala kweluhlangotsi lwetekuvasha. Kundlondlobala kweluhlangotsi lwetekuvasha kubangele kutsi kutsengiswa kwemtimba kungasentelwa etimayini kwase kwentelwa emahhotela.
Nasekuphele Lubandlululo
[hlela | edit source]Kuphela kwelubandlululo eNingizimu Afrika kanye nekuphela kweMphi Yembango eMozambique kwenta lamave akhanga tivakashi futsi loko kwanciphisa kundlondlobala kweluhlangotsi lwekuvakasha Eswatini. Tivakashi letinyenti letivakashela Eswatini tisuke tivakashele eMozambique kanye nase Ningizimu Afrika. Tivakashi letinyenti tihlala busuku bunye kantsi tivakashi letinyenti tivakasha lilanga linye tiphindze tijike.
Ngenca yekubate kwaletinye tindlela letiyinhloko tekwakha imali, bantfu labanyenti batsi tekuvakasha Eswatini tingawukhulisa umnotfo esikhatsini lesitako. Kusukela yasungulwa nga-2003, i-Eswatini Tourism Board igcizelele kutsi i-Eswatini ngilo kuphela live lelinebukhosi emaveni lase Afrika lesentasi. Imikhosi yasebukhosini lefana njengemkhosi wencwala kukholelwa kutsi ingaba nesandla lesikhulu ekukundlondlobaliseni luhlangotsi lwekuvakasha. Iphindze yetama kukhanga tivakashi ngekutsi tivakashele tindzawo letigcina tilwane letfitfolaka Eswatini.[1] Ngemnyaka wa 2006 i-Eswatini yasayina sivumelwano se-Lubombo Route kanye neNingizimu Afrika neMozambique. Lesivumelwano savumela tivakashi kutsi tihambe emaveni lamatsatfu nge-visa yinye.[2]
Emave lakuchamuka khona tivashi
[hlela | edit source]Tivakashi letinyenti letivakasha Eswatini tisuke tichamuka kunankha emave lalandzelako:[3]
| Country | 2016 | 2015 | 2014 |
|---|---|---|---|
 South Africa
|
814,220 | 810,249 | 856,492 |
 Mozambique
|
202,042 | 181,271 | 219,555 |
 Zimbabwe
|
49,295 | 69,467 | 58,624 |
 Germany
|
22,895 | 21,510 | 21,669 |
 France
|
21,253 | 19,360 | 14,152 |
 Netherlands
|
20,750 | 17,414 | 17,874 |
 United States
|
18,014 | 17,988 | 17,359 |
 United Kingdom
|
15,503 | 14,646 | 15,813 |
 Pakistan
|
7,450 | 5,216 | 4,242 |
 India
|
6,867 | 5,145 | 5,031 |
 Portugal
|
6,610 | 6,047 | 6,720 |
 Botswana
|
5,969 | 5,833 | 5,913 |
 Lesotho
|
5,682 | 5,092 | 5,554 |
 Tanzania
|
5,659 | 6,311 | 5,718 |
| Total | 1,278,587 | 1,255,901 | 1,324,621 |
- ↑ https://www.safaribookings.com/eswatini/parks
- ↑ https://www.thekingdomofeswatini.com/news-blogs/eswatini-mozambique-mpumalanga-sign-triland-mou-at-africas-travel-indaba/
- ↑ "The Kingdom of Eswatini: Official Tourism Website".